Թուրքիան սկսել է Ալիջանի անցակետի նախապատրաստական աշխատանքները. Ուրալօղլու

Թուրքիայի տրանսպորտի նախարար Ուրալօղլուն հայտարարել է, թե սկսվել են այսպես կոչված «Զանգեզուրի միջանցքի» հետ կապված աշխատանքները, որը Թուրքիան կվերածի լոգիստիկ կենտրոնի։ Ըստ նրա՝ միջանցքի և հայ-թուրքական սահմանի Ալիջան անցակետի նախագծերը վերաիմաստավորելու են Թուրքիայի դերը տարածաշրջանային առևտրային ցանցում։

Ուրալօղլուն տեղեկացրել է, որ սկսվել են Հայաստանի հետ սահմանին գտնվող Թուրքիայի Ալիջանի սահմանային անցակետի նախապատրաստական աշխատանքները։ Իրենք կատարել են իրենց պլանավորումը, ներառյալ կամրջի ներկայիս վիճակի և դրա վերանորոգման գնահատումը։ Երբ խաղաղության գործընթացն ավարտվի, կբացվի նաև Ալիջանի անցակետը՝ ասել է թուրք նախարարը։